معهد بدر المدينة

[سوبر كيمياء]

معهد بدر المدينة
من المسوؤل عن ما قام به هذا المعهد حينما قالت لنا المسؤله أ/أبتسام (مديرة المركز )فلوسكم راحت عليكم
بعد أن دفعنا ونحن 10 طالبات بما فيهم أنا كل طالبة دفعة 3200 لرخصه الدولية .
لأن سجلنا حينما كان المركز في الكلية وأجلنا الدورة لان الجميع يعرف أنا أي دورة قبل تاريخ التخرج غير معترف بها
أي حق يجيز لهذا المركز ما قام به وبأي وجه حق تأكل هذه المديرة أموال الناس باطل وسحت (بحجت أنا تأخرن عن الحضور للمركز كل هذه المدة )
ومن المسؤول عن ضيع حقوقنا ومادفعنا فلا نحن أخذنا شهادة ولا نحن أستراحعنا حقوقنا
مع العلم أنا جميع نملك وصل بمبلغ الرسوم البالغة 3200 لكل طالبة
ماهذا الظلم ومن الذي يمللك الحق في أن يزيله عنا وأين هو الان خاصة أن أحداث مراكز بدر المدينة في الاسكان في طيبة كل يوم تتفاقم في الفرع النسائي ونسمع عن كوراث

[جعودة]

الله يردلكم حقوقكم اختي ترى اذا سكتوا تضيع القضية وصلو صوتكم للامارة فورا واعتقد ان صاحب هذا المركز عمه كان مدير تعليم البنات سابقا والله يساعدكم:9dmd14:

[الامل السامي]

الله يعينكم ..ويرد لكم فلوسكم..
كم كانت مدة التاخير ؟ وليه ماطلبتم على طول تأجيل للدورة ؟
اذا كنتم عارفين أن أي دورة قبل تاريخ التخرج غير معترف بها ليييييه سجلتم ؟

[TeA]

الله يعينكم..
بس المفروض انكم تاخذون وصل بالمبلغ او ورقة تأجيل..؟!
وانشا الله الحق مابيضيع..

[أحلى عآلم]

الله يعينكم يآآرب لآتسكتون عنهم ..

سووآ مظآهرآت >> اهجدي

طفشوهم ليل ونهآر إن شآء الله حقكم مآيضيع ..~

[الأرجوانه]

صباح الخير

من المعروف ان اي مركز نادي معهد مشغل ..... الخ

قبل ماتدفعي يقولولك ان المبلغ ماراح يرجع ولو تاخرتي عن المده تقريبا 45 يوم او شهر او كم اسبوع وماحضرتي ماترجع الفلوس

كل الي اقدر اقوله عوضكم على الله

لان مستحيل ترجع المبالغ تعتبروا غياب اذا ماطلبتوا تاجيل للدوره من البدايه

والحق يطلع عليكم

تحيـــــــــــآتي

[صدوف]

حتى أنا وأختى سرقو فلوسنا 300 الف ريال يارب 300 الف جهنم يخدوها وياليت علي كدة يغير المعاملة السيئة المديرة اكلمها بذوق تقول انا مديرة وارفع صوتي علي كيفي مين يعطك الحق تعرفعي صوتك وتقلي ادبك غير كدة وكدة وصحباتها في المعهد يبردو أظافرهم ولا في أحترام للناس الموجودين في المعهد ويتصورو ابغي اعرف وين صاحب المعهد مشغل وحدة زي كدة انا اخدت دورت حاسب حتي بطاقة وهيا من حقي مارضيت تعطيني وطردتني علشان ضعيفة مالي احد يرد عليها وين صاحب المعهد وين الوزارة المسؤلة عنها ولا نحنا السعودين كدة لما نتولي نتجبر علي بعض لو اختها رضيت يسير فيها كدة وين حقوقنا كانسان عايش في مجتمع اتمني صوتي يوصل الابي الغالي عبد الله بن عبد العزيز حفظه الله هوا الي حينصفني منهمومااقول الا حسبي الله عليهم

[الصارم]

الله يعوض عليكم ولاكن هناك نظام معين معتمد من المؤسسة العامة للتعليم المهني والتقني(( ومقرها على مااعتقد الازهري)) بخصوص المعاهد المعتمدة من قبلهم
وانا افضل انك تعرضي هذة المشكلة وهذة التجاوزات من المعهد على المؤسسة العامة يمكن تلاقي حل لانة وللاسف بدأت المعاهد والاكاديميات الخاصة تلعب بالبشر دون حسيب اورقيب

[حكيم زمانه]

هذولا ناس يخافوا ما يستحوا ( ما يضيع حق وراه مطالب ) يا ريت تظهر هذي المشكلة على السطح وعن طريق الاعلام وياحبذا الاعلام المرئي صدقيني حتصير القضية راي عام وهما حيجرو وراكي عشان تسكتي بس ويدوكي حقك وحق بقية البنات المنصوب عليهن . الا اذا كان هناك عقد موقعين عليه بشرط جزائي بعدم مطالبتكن بالفلوس عند التأخير هنا الوضع مختلف . عموما اتأكدي زي الناس من سلامة موقفك وبعدين لا تسكتي أبدا .وبالتوفيق

[قمر المدينه]

الله يعينكم ويساعدكم
ما عاد فيه احد يخاف من الاخره وانه راح يرجع كل دين عليه
والله المستعان

[النظرة المسروقة]

حسبي الله ونعم الوكيل .. وانا كمان قبل 3 سنوات تعرضت لنصب من((( مركز الريان في الأزهري))) وماهو بس انا اكثر البنات الي كانوا مسجلين ..... وعندهم طرق في النصب محترررفين مايخلوك تحسي بشي كل شي سليم الين ماتلقي نفسك بررررره بدون شهادة والفلوس دخلت الصندوق وماترجع ......

كل يوم يقلون لك هرجه ينزلون اعلانات مكتوب فيها مبلغ للرسوم ..... ولمن ترحي تسجلي طبغا لازم تدفعي عربون اول ماتسجلي ماتدفعي المبلغ كامل بعدين تتلطعي شهووووور والدورة لسا مابدت كل يوم بكرة بعد مدري كم اسبوع وبعد مايجي اليوم تلقي الهرجة اتغيرت يقلون الإعلانات قديمة لازم تدفعي زيادة على الرسوم .. وفي اعلانات دورات مجانية تاخذيها مع الرخصة بس يكتبونها في الإعلان اغرااااء بس لمن تدخلي تدرسي انسي كلالالام على ورق مافي ..... وايام الإختبارات تطلع روحك وانت متلطعة الين يصلحون الأجهزة المعفنه حقتهم رجال داخل ورجال خارج ....

وماني مطولة بالحكي ...................... ما اقول غير ان شاااء الله ربنا ياخذلنا حقنا منهم والمصيبة سعوديااااات لو اجانب كان هانت المشكلة ...

[يغار القمر مني]

الله المستعان

[ابن طيبه]

والله بصراحه انا دخلت وول ستريت ودخلت اكسفورد في جده ضيعت حوالي 8 شهور من معهد الى معهد وبعدين الحمد لله دخلت معهد بدر المدينه 3 شهور الشهر من 2000 ريال والله استفدت فيها فايده مايعلم فيها الا الله مااخذتها ب 8 شهور من المعاهد الثانيه ولو كملت فيها والله سنه ماراح استفيد بصراحه معهد منظم ومرتب ومدرسين زي العسل ويدرسوك من طيب نفسهم والله يجزاهم خير دنيا واخره

[ابن طيبه]

والله بصراحه انا دخلت وول ستريت ودخلت اكسفورد في جده ضيعت حوالي 8 شهور من معهد الى معهد وبعدين الحمد لله دخلت معهد بدر المدينه 3 شهور الشهر من 2000 ريال والله استفدت فيها فايده مايعلم فيها الا الله مااخذتها ب 8 شهور من المعاهد الثانيه ولو كملت فيها والله سنه ماراح استفيد بصراحه معهد منظم ومرتب ومدرسين زي العسل ويدرسوك من طيب نفسهم والله 2000 قليله في حقهم مو زي المعاهد الثانيه الي اهم شيء تدفع وعسى ماعمرك تعلمت الله يجزاهم خير